Alfreð Gíslason og Dagur Sigurðsson munu einu sinni sem oftar mætast á stórmóti í handknattleik karla. Lærisveinar þeirra í Þýskalandi og Króatíu drógust saman í riðil á Ólympíuleikunum í París.
Verður það í annað sinn á árinu sem liðin mætast undir handleiðslu Alfreðs og Dags.
Það gerðu þau líka í undankeppni Ólympíuleikana í síðasta mánuði, sem fram fór í Hannover í Þýskalandi.
Króatía hafði betur í þeirri viðureign og á Alfreð og lærisveinar hans því harma að hefna þegar liðin etja kappi að nýju á leikunum í sumar.
A-riðill:
Spánn
Króatía
Þýskaland
Slóvenía
Svíþjóð
Japan
B-riðill:
Danmörk
Noregur
Ungverjaland
Frakkland
Egyptaland
Argentína