Spánn leikur til úrslita í fyrsta sinn
Xavi og Puyol fagna markinu sem sá fyrrnefndi lagði upp en sá síðarnefndi skoraði. Reuters
Carles Puyol tryggði Spánverjum 1:0 sigur á Þýskalandi í undanúrslitum HM karla í knattspyrnu í kvöld með skallamarki á 73. mínútu. Spánn leikur því til úrslita á HM í fyrsta sinn í sögu þjóðarinnar. Fylgst var með gangi mála hér á mbl.is.
Þar með er ljóst að nýtt lið mun fagna sigri á heimsmeistaramótinu í ár því hvorki Holland né Spánn hefur landað titlinum. Liðin mætast kl. 18:30 á sunnudagskvöld. Þýskaland leikur um bronsverðlaunin við Úrúgvæ á laugardag kl. 18:30.
Lið Þýskalands: Neuer - Lahm, Mertesacker, Friedrich, Boateng - Khedira, Özil, Schweinsteiger - Trochowski, Klose, Podolski.
Varamenn: Jansen, Aogo, Tasci, Kiessling, Wiese, Badstuber, Kroos, Cacau, Marin, Butt, Gómez.
Í leikbanni: Müller.
Lið Spánar: Casillas - Ramos, Piqué, Puyol, Capdevila - Sergio, Xavi, Alonso - Villa, Pedro, Iniesta.
Varamenn: Albiol, Marchena, Torres, Fabrregas, Valdés, Mata, Arbeloa, Llorente, Martínez, Silva, Navas, Reina.
Lukas Podolski og Xabi Alonso berjast hér um boltann í leiknum í dag. Reuters
