Lygilegur landsliðsferill Ingvars Þórs Jónssonar, fyrirliða landsliðsins í íshokkí, heldur áfram. Ingvar lék alla fimm leiki Íslands í A-riðli 2. deildar HM sem lauk í Rúmeníu á sunnudaginn.
Ingvar hefur því enn ekki misst úr A-landsleik frá því að landsliðinu var ýtt úr vör árið 1999.
Ingvar hefur nú leikið 93 A-landsleiki, en alla jafna leikur landsliðið fimm leiki á árinu, þegar keppt er í deildakeppni HM. Leikirnir þrír sem út af standa eru til komnir vegna þátttöku Íslands í undankeppni ÓL.
Ingvar lék 90. leik sinn þegar Ísland tapaði fyrir Ástralíu í Rúmeníu og þá lék Robin Hedström 50. A-landsleik sinn.