SA Víkingar náðu á ný fjögurra stiga forystu í Hertz-deild karla í íshokkíi í gærkvöld þegar þeir unnu góðan útisigur á Birninum, 6:3, í Egilshöllinni.
Akureyringar eru þá komnir með 30 stig en Esja er með 26 stig, Björninn 16 og SR ekkert þegar 12 umferðir hafa verið leiknar.
Víkingar voru 3:1 yfir eftir fyrsta leikhluta og komust í 5:2 í byrjun þess þriðja þannig að Björninn komst ekki nær þeim en tvö mörk á lokakaflanum.
Bart Moran, Jordan Steger, Ingvar Jónsson, Jussi Sipponen, Jóhann Leifsson og Andri Mikaelsson skoruðu mörk Akureyringa en Falur Guðnason, Roddy Akeel og Eric Anderberg skoruðu fyrir Björninn.