Júgóslavneska bragðið í íslenskum körfubolta?
Setja bókamerki
Af sjónvarspmyndum af dæma virðist sem Marvin Valdimarsson, leikmaður Stjörnunnar, hafi beitt júgóslavneska bragðinu svokallaða, sem þekkt er í handbolta, gegn landsliðsmanninum Hauki Helga Pálssyni hjá Njarðvík í Garðabænum í Dominos-deildinni í körfubolta.
Sjónvarpsmenn á Stöð2 Sport náðu brotinu nokkuð vel í endursýningu fyrir aftan körfu Njarðvíkru en þar má sjá hvernig Marvin beitir vinstri hendinni og enginn tilgangur annar sýnilegur en að brjóta á Hauki sem hafði stöðvað hraðaupphlaup Stjörnunnar og komist inn í sendingu til Marvins.
Hinn þrautreyndi körfuboltadómarinn Leifur Garðarsson dæmi óíþróttamannaslega villu á Marvin.
Júgóslavneska bragðið komst í hámæli í handboltanum á níunda áratugnum og var ljótur blettur á stórkostlegu liði Júgóslava sem varð Ólympíumeistari 1984 og heimsmeistari 1986. Um langa hríð voru hornamenn Júgóslava sakaðir um að grípa í ökkla eða hné hornamanna eða ýta undir ristina á andstæðingum sem svifu inn úr hornunum. Á Íslandi komst júgóslavneska bragðið í hámæli þegar skyttan Zlatko Saračević greip í fót Guðmundar Guðmundssonar í vináttulandsleik í Laugardalshöllinni, þáverandi hornamanns íslenska landsliðsins og síðar landsliðsþjálfara.
Í meðfylgjandi myndbandi úr þætti Stöðvar 2 Sport er brotið tekið vel fyrir og leggur þar Kristinn Friðksson, körfuboltasérfræðingur Morgunblaðsins síðustu árin, orð í belg. Rétt er að benda á að í myndskeiðinu eru tvö brot sem koma fyrir hjá Marvin gagnvart Hauki og hér er um hið síðara að ræða.
Vélsleðaslys: Þyrlan kölluð út á mesta forgangi
Væri að ljúga ef ég segðist ekki stressaður
Tveir í bílnum sem lenti utan vegar
„Höfum ekki náð að skríða upp úr þeirri gryfju“
Banna mengandi búnað sem leyfður er á Íslandi
„Umsátursástand“