Craig Pedersen, þjálfari íslenska körfuboltalandsliðsins, hefur valið 41 leikmann fyrir æfingar sem hefjast í vikunni en undankeppni Evrópumótsins hefst í lok ágúst. Þeir landsliðsmenn sem spiluðu á EM á síðasta ári eru ekki í fyrsta æfingahópnum.
Pedersen hefur valið 22 leikmenn í fyrsta æfingahópinn en þeir leikmenn sem spiluðu á Evrópumótinu í Þýskalandi á síðasta ári eru ekki með í fyrsta hóp. Þá eru leikmenn U-20 ára landsliðsins ekki með í hópnum en þeir bætast við þegar Evrópumótinu í Grikklandi lýkur.
Pedersen mun skera niður hópinn um helgina og hefjast svo æfingar aftur á mánudaginn en þá mæta leikmennirnir sem spiluðu á Evrópumótinu í fyrra. Þessir leikmenn undirbúa sig svo fyrir æfingamót sem fer fram í Austurríki dagana 11. – 14. ágúst en Ísland mætir þar Póllandi og Slóveníu.
Fyrsti leikur í undankeppni EM er gegn Sviss 31. ágúst næstkomandi og svo koma leikir gegn Belgíu og Kýpur í kjölfarið.
Leikmannalistinn:
Ari Gylfason · FSu
Austin Magnus Bracey · Snæfell
Axel Kárason · Svendborg Rabbits, Danmörk
Björgvin Ríkharður Hafþórsson · ÍR
Björn Kristjánsson · KR
Breki Gylfason · Breiðablik
Brynjar Þór Björnsson · KR
Dagur Kár Jónsson · St. Francis / Stjarnan
Darri Hilmarsson · KR
Elvar Már Friðriksson · Barry University / Njarðvík
Emil Barja · Haukar
Eysteinn Bjarni Ævarsson · Höttur
Finnur Atli Magnússon · Haukar
Gunnar Ólafsson · St. Francis / Keflavík
Haukur Helgi Pálsson · Njarðvík
Hjálmar Stefánsson · Haukar
Hlynur Bæringsson · Sundsvall Dragons, Svíþjóð
Hörður Axel Vilhjálmsson · Rythmos BC, Grikklandi
Jakob Örn Sigurðarson · Boras Basket, Svíþjóð
Jón Arnór Stefánsson · Valencia, Spáni
Jón Axel Guðmundsson · Davidson / Grindavík
Kári Jónsson · Drexler / Haukar
Kristinn Pálsson · Marist University / Njarðvík
Kristófer Acox · Furman University / KR
Logi Gunnarsson · Njarðvík
Maciej Baginskij · Njarðvík
Martin Hermannsson · LIU / KR
Matthías Orri Sigurðarson · Colombia University / ÍR
Ólafur Ólafsson · St. Clement, Frakklandi
Pavel Ermolinskij · KR
Pétur Rúnar Birgisson · Tindastóll
Ragnar Ágúst Nathanaelsson · Þór Þorlákshöfn
Sigurður Gunnar Þorsteinsson · Doxa Pefkon, Grikklandi
Snorri Hrafnkelsson · KR
Stefán Karel Torfason · Snæfell
Tómas Heiðar Tómasson Holton · Stjarnan
Tómas Hilmarsson · Stjarnan
Tryggvi Þór Hlinason · Þór Akureyri
Valur Orri Valsson · Keflavík
Viðar Ágústsson · Tindastóll
Ægir Þór Steinarsson · CB Penas Huesca, Spáni