Bandaríska sjónvarpsstöðin ESPN fékk goðsögnina Kareem Abdul Jabbar til þess að rifja stuttlega upp þegar hann sem ungur háskólanemi hitti Dr. Martin Luther King.
Jabbar heimsótti höfuðborgina Washington á dögunum og fór þá að styttu af Dr. King og voru myndavélarnar með í för.
Kareem Abdul Jabbar er 69 ára gamall og stigahæsti leikmaður í sögu NBA-deildarinnar í körfubolta. Hann var um tíma samherji Péturs Guðmundssonar hjá LA Lakers. Jabbar er þekktur fyrir fleira en tilþrifin á vellinum því hann hefur sent frá sér bækur og hefur látið til sín taka í réttindabaráttu blökkumanna í gegnum áratugina.