Jakob fór mikinn í öruggum sigri

Jakob Örn Sigurðarson lét mikið að sér kveða í liði Borås Basket í kvöld þegar liðið vann öruggan sigur á botnliði Malbas, 95:74, í sænsku úrvalsdeildinni í körfuknattleik í kvöld.

Sigur Borås var aldrei í hættu, en staðan í hálfleik var 48:41 og munurinn jókst enn frekar eftir hlé. Jakob, sem er fyrirliði Borås, var næststigahæstur hjá liðinu en hann skoraði 18 stig, tók 2 fráköst og gaf 3 stoðsendingar.

Borås komst með sigrinum upp í 5. sæti deildarinnar, í það minnsta um tíma, en liðið hefur 32 stig eftir 31 leik í deildinni.

• Blogga um frétt