Boston og Oklahoma eru á lífi
Setja bókamerki
Boston Celtics og Oklahoma City Thunder eru komin á blað í úrslitakeppni NBA-deildarinnar í körfuknattleik eftir að hafa unnið gríðarlega mikilvæga sigra í einvígjum sínum í nótt.
Celtics voru nokkuð óvænt 2:0-undir í einvíginu við Chicago Bulls, en í nótt snerist taflið við og Boston hrósaði sigri 104:87. Al Horford var stigahæstur hjá Celtics með 18 stig eins og Dwayne Wade hjá Bulls. Chicago Bulls er því 2:1 yfir í einvíginu.
Russell Westbrook sá svo til þess að Oklahoma hleypti spennu í einvígið við Houston Rockets. Westbrook skellti í þrefalda tvennu þegar hann skoraði 32 stig, tók 13 fráköst og gaf 11 stoðsendingar en sigur Oklahoma var með tæpasta móti, 115:113. James Harden skoraði 44 stig fyrir Houston sem er 2:1 yfir í einvíginu.
Los Angeles Clippers vann svo annan leikinn í röð í einvíginu við Utah Jazz, 111:106. Chris Paul skoraði 34 stig fyrir Clippers, sem lenti 1:0 undir í einvíginu en er nú 2:1 yfir. Gordon Hayward skoraði 40 stig fyrir Utah.
Fjóra sigurleiki þarf til þess að útkljá einvígin, en hér má sjá úrslitin í nótt:
Austurdeild:
Chicago Bulls – Boston Celtis 87:104
Vesturdeild:
Houston Rockets – Oklahoma City Thunder 113:115
Utah Jazz – Los Angeles Clippers 106:111
Telur forsendur fyrir vaxtalækkun
Frambjóðendur skila inn listum í Hörpu
„Höfum ekki náð að skríða upp úr þeirri gryfju“
Krefjast stöðvunar framkvæmda
„Umsátursástand“
Strand skemmtiferðaskips kallar á erlenda aðstoð