Framherjinn Ágúst Angantýsson er genginn í raðir Vestra á ný og mun leika með liðinu í 1. deildinni í körfuknattleik í vetur.
Ágúst er frá Þingeyri og lék með KFÍ tímabilið 2013-2014. Hann var um tíma hjá KR og varð bikarmeistari með Stjörnunni árið 2015.
Ágúst lék 25 leiki með Stjörnunni á síðasta tímabili og skoraði tæp sex stig að meðaltali og tók að jafnaði tæp fjögur fráköst í leik.