Hanna og Nikita sigruðu (myndskeið)

Á danskeppni Reykjavíkurleikanna var keppt í latin dönsum í dag. Hanna Rún Basev Óladóttir og Nikita Basev komu sáu og sigruðu í flokki fullorðinna en þau voru bæði kjörin Reykjavíkurleikameistarar og Íslandsmeistarar. Á meðfylgjandi myndskeiði má sjá einn af glæsilegum dönsum þeirra í úrslitunum í kvöld.

Verðlaunahafar í RIG latin open

1. Hanna Rún Basev Óladóttir og Nikita Basev, DÍH
2. Tobias Fladby og Malín Agla Kristjánsdóttir, Noregi
3. Daði Freyr Guðjónsson og Marta Carrasco, Hvönn

Verðlaunahafar í Íslandsmeistaramótinu í latin dönsum

1. Hanna Rún Basev Óladóttir og Nikita Basev, DÍH
2. Sara Rós Jakobsdóttir og Nicoló Barbizi, DÍH
3. Marta Carrasco og Daði Freyr Guðjónsson, Hvönn

Myndir af verðlaunahöfum í flokkum barna og unglinga má finna á Facebooksíðu Dansíþróttasambands Íslands.

Á morgun verður keppt í standard dönsum á Reykjavíkurleikunum. Keppnin fer fram í Laugardalshöll og hefst kl.11. Áætluð mótslok eru kl.16.