Ekki verður séð að fundað verði á næstunni í kjaradeilu sjómanna. Segir formaður Sjómannasambandsins, Valmundur Valmundsson, að ekki sé tilgangur að menn ræðist við þegar allt stendur fast og hvorugur aðila tilbúinn að gefa eftir. Eitthvað sé þó um að deilendur séu að hringjast á.

„Það er alltaf eitthvað svoleiðis í gangi en ekkert á því byggjandi í bili að minnsta kosti,“ segir hann.

Skeyti flugu á milli aðila í gærdag í kjölfar þess að Sjómannasambandið sendi síðdegis frá sér tilkynningu þar sem sagt er að fulltrúar Samtaka fyrirtækja í sjávarútvegi hafi rofið fjölmiðlabann sem ríkissáttasemjari hafi sett á aðila deilunnar með að greina frá bókun sem sjómenn hafi lagt fram á sáttafundi síðastliðinn föstudag. Bókunin hafi verið lögð fram til að leita samstarfs um að kanna ástæðu þess að hærra verð fáist fyrir uppsjávarafla í Noregi en hérlendis sem sagt er óútskýrt.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir