Aðalsteinn Leifsson, fyrrverandi ríkissáttasemjari, hefur snúið aftur sem sáttasemjari í kjaradeilu Blaðamannafélags Íslands og Samtaka atvinnulífsins. Er ástæðan fyrir því tengsl Ástráðs Haraldsson, núverandi ríkissáttasemjara, við lögmann Blaðamannafélagsins.

Á aðalfundi Blaðamannafélagsins í gær upplýsti lögmaður félagsins, Oddur Ástráðsson, um að viðsemjandi Blaðamannafélagsins hefði gert athugasemdir við að málið væri á höndum ríkissáttasemjara eða starfsmanns embættisins vegna tengslanna, en Oddur er sonur Ástráðs.

Oddur Ástráðsson, lögmaður BÍ, er sonur Ástráðs Haraldssonar, núverandi ríkissáttasemjara. mbl.is/Kristinn Magnússon

Var í kjölfarið leitað til Aðalsteins sem verður sáttasemjari í málinu.

Aðalsteinn hætti sem ríkissáttasemjari í fyrra, en þá hafði átt sér mjög hörð deila í Eflingarmálinu svokallaða þar sem stjórn Eflingar hafði meðal annars lýst yfir vantrausti á ríkissáttasemjara eftir miðlunartillögu hans sem var bæði gagnrýnd af Eflingu og SA.

Tengdar fréttir

Kjaraviðræður

Boða aðgerðir á Keflavíkurflugvelli

• Óásættanlegt hversu langan tíma viðræður hafa tekið
• Boða verkfallsaðgerðir
• Kjaradeilu vísað til ríkissáttasemjara
• Hægagangur og vaxandi ókyrrð

» Fleiri tengdar fréttir

• Blogga um frétt