„Þjóðfélagið er að stórtapa á þessu“
Setja bókamerki
„Mér finnst mjög mikilvægt að þetta sjómannaverkfall leysist. Ég er nú skipstjóradóttir og þekki hvað menn eru að glíma við á hafi úti. Við höfum einfaldlega ekki efni á því lengur að mínu mati að standa í þessum sporum. Það er ekkert mjög mikið sem ber á milli og ég held að það sé bara nauðsynlegt að það verði gert sem mögulegt er til þess að þessi staða leysist.“
Þetta segir Valgerður Gunnarsdóttir, þingmaður Sjálfstæðisflokksins, í samtali við mbl.is um stöðuna í kjaradeilu sjómanna. Hún minnir á að málið snúist ekki aðeins um hagsmuni sjómanna heldur einnig landverkafólks og þjónustuaðila útgerðarinnar. „Þjóðfélagið allt er einfaldlega að stórtapa á þessu.“ Spurð hvort hún telji að verða eigi við þeirri kröfu að stjórnvöld samþykki að fæðispeningar sjómanna verði skattfrjálsir segir Valgerður:
„Við erum auðvitað í þeirri stöðu með stéttir sem þurfa að vinna fjarri heimilum sínum að það er komið til móts við það fólk og mér finnst og hefur alltaf fundist það sjálfsagður hlutur að það sé komið til móts við sjómenn hvað það varðar. Þeir eru ekkert öðruvísi en flugmenn eða opinberir starfsmenn á ferðalögum erlendis eða hvað það er. Þetta er mín persónulega skoðun.“
Tveggja mánaða flandur um Nýja-Sjáland
Færri nota rafhlaupahjól eftir djammið
Forsetinn líti yfir axlirnar á þingheimi
Virknin færist í aukana innan 48 tíma
Bregðast við vopnahléstillögu á morgun
Ólíkt ákall fólks á landsbyggðinni
Halla Hrund tekur forystu í könnun