Eldisfyrirtæki greiði auðlindagjald

Þorgerður Katrín Gunnarsdóttir sjávarútvegsráðherra kynnir tillögur starfshópsins í dag.
Þorgerður Katrín Gunnarsdóttir sjávarútvegsráðherra kynnir tillögur starfshópsins í dag. mbl.is/Eggert

„Mér finnst ánægjulegt að það hafi náðst niðurstaða á milli ólíkra hagsmunaaðila. Það er ljóst að stefnan er að skapa bestu mögulegu skilyrði til uppbyggingar fiskeldis hér á landi.“

Þetta segir Þorgerður Katrín Gunnarsdóttir, sjávarútvegsráðherra, en hún kynnti rétt í þessu tillögur starfshóps um stefnumótun í fiskeldi hér á landi.

Starfshópurinn leggur meðal annars til að rekstrarleyfishafar í sjókvíaeldi greiði auðlindagjald sem miðað verði við framleiðslumagn eldisfisks í sjó, allt að 15 krónur á hvert framleitt kíló af eldislaxi. 85% auðlindagjaldsins renni til uppbyggingar á þeim svæðum sem nýtist við uppbyggingu fiskeldis. 15% gjaldsins renni þá í Umhverfissjóð sjókvíaeldis, til að efla rannsóknir í fiskeldi.

Fyrirtækin fái þá sex ára biðtíma á greiðslu auðlindagjalds, talið frá þeim tíma þegar fyrsta slátrun hefst úr eldiskvíum fyrirtækisins. Eldi ófrjórra laxa verði enn fremur tímabundið undanþegið greiðslu auðlindagjalds og 50% afsláttur settur á greiðslu gjaldsins vegna eldis regnbogasilungs.

Fiskeldi á Austfjörðum. Mynd úr safni.
Fiskeldi á Austfjörðum. Mynd úr safni. mbl.is/Helgi Bjarnason

Ísland fari aðrar leiðir í málaflokknum

Þorgerður segir Ísland vera að fara aðrar leiðir í þessum málaflokki en aðrar þjóðir. Þær fylgist nú mjög vel með því sem Íslendingar væru að gera. Bætir hún við að þetta hefði meðal annars komið fram í samtölum hennar við Norðmenn nýlega en hún sótti stóra fiskeldisráðstefnu þar í landi í vikunni sem leið.

Lagt er til í skýrslu starfshópsins að leggja af hið svokallaða „fyrstur kemur, fyrstur fær“-umsóknarferli. Úthlutunin verði gerð markvissari með áherslu á betri nýtingu svæða og umhverfiseftirlitið aftur fært yfir til Umhverfisstofnunar, en það hefur að hluta til verið á ábyrgð MAST.

Þá verði byggð upp umhverfisvæn ímynd fiskeldis á Íslandi. Sjókvíaeldi laxfiska geti til dæmis nýtt sér þá staðreynd að hér sé það einungis stundað á tilteknum svæðum vegna mögulegra áhrifa á vistkerfið.

Spurður hverju hann vildi bæta við orð ráðherrans segir Baldur P. Erlingsson, formaður nefndarinnar, að sáttin í málinu skipti miklu máli, að uppbyggingin færi fram með umhverfisvænum hætti og að byggt yrði einmitt á þeirri ímynd.

mbl.is

Bloggað um fréttina

Afurð Dags. Meðalverð
Gellur 6.12.17 706,00 kr/kg
Þorskur, óslægður 11.12.17 242,78 kr/kg
Þorskur, slægður 11.12.17 258,42 kr/kg
Ýsa, óslægð 11.12.17 247,27 kr/kg
Ýsa, slægð 11.12.17 230,61 kr/kg
Ufsi, óslægður 11.12.17 67,82 kr/kg
Ufsi, slægður 11.12.17 93,07 kr/kg
Djúpkarfi 7.12.17 79,00 kr/kg
Gullkarfi 11.12.17 149,96 kr/kg
Litli karfi 6.12.17 11,00 kr/kg

Fleiri tegundir »

14.12.17 Þorlákur ÍS-015 Dragnót
Skarkoli 415 kg
Lúða 4 kg
Steinbítur 2 kg
Þykkvalúra / Sólkoli 1 kg
Samtals 422 kg
14.12.17 Blossi ÍS-225 Landbeitt lína
Þorskur 4.917 kg
Ýsa 1.052 kg
Steinbítur 5 kg
Samtals 5.974 kg
14.12.17 Finnbjörn ÍS-068 Dragnót
Skarkoli 273 kg
Ýsa 128 kg
Þorskur 106 kg
Skötuselur 3 kg
Steinbítur 2 kg
Þykkvalúra / Sólkoli 2 kg
Samtals 514 kg

Skoða allar landanir »