Nokkuð kröftugur vöxtur sjávarútvegs á næsta ári

Útflutningsverðmæti í sjávarútvegi fyrstu tíu mánuði ársins hefur verið undir ...
Útflutningsverðmæti í sjávarútvegi fyrstu tíu mánuði ársins hefur verið undir væntingum, en sjómannaverkfallið í byrjun þessa árs leikur þar hlutverk. mbl.is/RAX

„Við sjáum fram á að framlag sjávarútvegs til útflutningsvaxtar verði neikvætt á þessu ári, en aftur á móti verður vöxtur sjávarútvegsins nokkuð kröftugur á næsta ári,“ segir Erna Björg Sverrisdóttir hjá greiningardeild Arion banka í samtali við ViðskiptaMoggann, en hún fór yfir málið á kynningu undir yfirskriftinni Of gott til að vera satt, þegar hagspá bankans til ársins 2020 var kynnt í gær.

„Ef þú skoðar aflatölurnar og hvernig útflutningsverðmæti í sjávarútvegi hefur verið að þróast á fyrstu 10 mánuðum ársins þá hefur það verið undir væntingum og auðvitað spilar sjómannaverkfallið í upphafi árs eitthvað inn í,“ segir Erna.

Hún segir að þar sem aflatölur hafi verið undir væntingum, sé það vísbending um að kvóti hafi verið færður á milli fiskveiðiára. „Það útskýrir af hverju við erum að sjá þennan kröftuga vöxt á næsta ári. Einnig erum við að sjá kvótaaukningu í þorski sem spilar inn í.“

Ferðaþjónusta burðarás

Í kynningu Ernu kom fram að ferðaþjónustan yrði burðarásinn í útflutningsvexti þjóðarinnar á næsta ári og álútflutningur styddi við vöxtinn, en aukning yrði lítil. Þá mundi kísill leggja sitt lóð á vogarskálarnar ásamt sjávarútveginum. „Álverð hefur hækkað mjög skarpt að undanförnu, en við sjáum hóflegan vöxt þar á næsta ári. Hinsvegar göngum við út frá því að áætlanir um kísilver á Bakka gangi eftir, og það verði komin full afköst í verksmiðjunni um mitt næsta ár.“

Spurð um þátt gengisþróunar, segir Erna að erfitt sé að spá fyrir um gengið. „Við erum með töluverðan viðskiptaafgang, það er vaxtamunur við útlönd, hagkerfið er að vaxa hratt og lánshæfismat ríkisins hefur hækkað. Því teljum við ákveðið svigrúm fyrir krónuna til að styrkjast fram á næsta ár.“

Á hinn bóginn segir Erna að raungengi sé hátt, útlit sé fyrir hægari hagvöxt og aukið frelsi sé til staðar fyrir innlenda aðila til fjárfestinga erlendis. „Samvinna þessara þriggja þátta þýðir að við sjáum fyrir okkur að krónan geti veikst örlítið eftir því sem líður á spátímann, og það verður þá til þess að styðja útflutningsvöxtinn.“

Afurð Dags. Meðalverð
Þorskur, óslægður 23.11.17 357,64 kr/kg
Þorskur, slægður 23.11.17 339,50 kr/kg
Ýsa, óslægð 23.11.17 355,48 kr/kg
Ýsa, slægð 23.11.17 306,57 kr/kg
Ufsi, óslægður 22.11.17 100,00 kr/kg
Ufsi, slægður 23.11.17 120,50 kr/kg
Djúpkarfi 16.11.17 35,00 kr/kg
Gullkarfi 23.11.17 256,53 kr/kg
Litli karfi 1.11.17 9,00 kr/kg
Blálanga, óslægð 20.11.17 215,00 kr/kg

Fleiri tegundir »

23.11.17 Blíða SH-277 Plógur
Ígulker 1.514 kg
Samtals 1.514 kg
23.11.17 Björgúlfur EA-312 Botnvarpa
Ufsi 1.164 kg
Karfi / Gullkarfi 366 kg
Samtals 1.530 kg
23.11.17 Kristín GK-457 Lína
Tindaskata 1.181 kg
Samtals 1.181 kg
23.11.17 Sirrý IS-036 Botnvarpa
Þorskur 3.786 kg
Karfi / Gullkarfi 2.969 kg
Ýsa 898 kg
Hlýri 583 kg
Langa 193 kg
Grálúða / Svarta spraka 9 kg
Lúða 3 kg
Samtals 8.441 kg

Skoða allar landanir »