„Þarna eru mörg störf sem eru að tapast“
Setja bókamerki
„Það hlýtur að segja sig sjálft að samdráttur í aflaheimildum hefur bein áhrif á afkomu fyrirtækja í sjávarútvegi,“ segir Arnar Atlason, formaður Samtaka fiskframleiðenda og útflytjenda, í samtali við 200 mílur er leitað er viðbragða vegna uppsagnar 32 starfsmönnum fiskvinnslufyrirtækisins Agustson ehf. í Stykkishólmi. HAnn segir leiðir færar til að vega upp á móti samdrætti í greininni.
Fram kom í tilkynningu Agustson vegna uppsagnarinnar að hækkandi rekstrarkostnaður ásamt lækkaðra aflaheimilda samkvæmt ráðgjöf Hafrannsóknastofnunar fyrir næsta fiskveiðiár hafi orðið til þess að ákvörðun um uppsagnir hafi orðið óumflýjanleg.
Arnar segir vonbrigði að ekki hafi tekist að byggja upp þorskstofninn sem ætlað var á undanförnum áratugum. Þá sé samdráttur í útgefnum hámarksafla tilefni til að minnast á að væri allur sá fiskur sem fluttur er óunninn úr landi unninn hérlendis myndi það, í töluverðum mæli, vega upp á móti samdrættinum, að sögn hans.
Vinna þurfi meira hérlendis
Vísar Arnar með þessu til þess að í fyrra hafi 16.219 tonn af óunnum þorski verið fluttur óunninn úr landi en boðaður samdráttur í hámarksafla næsta fiskveiðiárs nema rúm 34 þúsund tonn af þorski. Þá var í fyrra flutt út 7.984 tonn af óunnum ufsa, 5.607 tonn af óunnum steinbít, 13.776 tonn af óunnum karfa og 6.573 tonn af óunni ýsu. Samtals 50.159 tonn af fiski.
Talið er að áhrif ráðgjafar Hafrannsóknastofnunar fyrir helstu tegundir verði tekjusamdráttur upp á 12 milljarða króna á næsta fiskveiðiári. Á sama tíma áætlar Landssamband smábátaeigenda að útflutningsverðmæti óunnins þorsks, steinbíts, ufsa og ýsu 2020 hafi numið um 17 milljörðum króna.
„Það er verðmætasköpun fólgin í því að flytja ekki afla óunninn úr landi. [...] Það eru kannski um 10 störf fyrir hver þúsund tonn sem er unnin hér á landi, þannig að þarna eru mörg störf sem eru að tapast,“ segir Arnar.
Hann segir ljóst að ekki verði unnt að bæta stöðuna eins lengi og til sé „þessi tvöfalda verðmyndun í landinu, þessi möguleiki fyrirtækja að komast hjá hámörkun á verðmætasköpun." Vísar hann til þess að fyrirtæki sem eru bæði með veiðar og vinnslu geti selt afla frá skipi beint í vinnslu án þess að aðrir fá tækifæri til að bjóða í fiskinn eins og fyrirtæki sem reka vinnslu án veiða þurfa að gera á fiskmörkuðum.
/frimg/1/29/32/1293273.jpg)
Ekki af baki dottinn og ætlar að opna B5 aftur
Breytingar á skipulagi fréttadeildar RÚV
Ólíkt ákall fólks á landsbyggðinni
Rothissa á vinnubrögðum forystu BÍ
Forsetinn líti yfir axlirnar á þingheimi
Vonast til að tjaldbúðir við HÍ standi áfram
Skaut sex sinnum að feðginum á aðfangadagskvöld