Írskar og skoskar útgerðir saka samtök franskra útgerðarmanna um að hvetja kaupendur í Frakklandi til þess að sniðganga sjávarafurðir frá Íslandi, Skotlandi, Írlandi, Danmörku og Noregi í þeim tilgangi að auka sölu franskra afurða. Jafnframt eru frönsk stjórnvöld sökuð um að hvetja kaupendur til þess að einblína á franskar afurðir, að því er fram kemur í umfjöllun EchoLive.

„Þeim líkar að lýsa því yfir að um sé að ræða evrópsk hafsvæði þegar þeir eru með 50% af kvótanum í skötusel í írskri landhelgi, á meðan Írland fær aðeins 5% af skötuselskvótanum í eigin sjó. En þeir vilja ekki sætta sig við að til er evrópskur markaður sem við höfum jafnan aðgang að,“ segir John Nolan, framkvæmdastjóri Castletownbere Fishermen’s Co-op.

„Í Frakklandi er fólk hrætt við að taka við fiski af okkur,“ segir hann. „Jafnvel stórar verslunarkeðjur eins og Leclerc, jafnvel stjórnvöld eru að segja að það eigi bara að kaupa franskan fisk.“

Biðla til stjórnvalda

Samtök skoskra framleiðenda á hvítfiski (Scottish White Fish Producers Association) hafa sagt að samtök franskra útgerðarmanna og bátaeigenda séu með beinum hætti að biðja verslanir í Frakkalandi um að hætta að kaupa „ódýran innfluttan fisk“ frá Skotlandi, Írlandi, Danmörku, Noregi og Íslandi.

„Þetta er mjög sorglegt í ljósi þess að markaðir hafa verið lagðir í rúst vegna kórónuveirufaraldursins og það þarfnast frekar hvetjandi umhverfi í stað takmarkanna,“ segir Elspeth Macdonald, framkvæmdastjóri sambands skoskra veiðimanna (Scottish Fishermen’s Federation). „Við erum að ræða málið við bresk og skosk stjórnvöld og höfum verið í sambandi við franska sendiráðið. Vonandi fer þessari mismunun að ljúka.“

Nolan kveðst þakklátur vegna efnahagsaðgerða írskra stjórnvalda vegna kórónuveirufaraldursins sem hafa miðað að því að veita fjárhagsstuðning vegna áhafna. „En fyrir bátaeigendur og útgerðir er það sem er að gerast í greininni martröð. […] Við sitjum á þremur milljónum í formi lager af rækjum sem enginn markaður er fyrir.“

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• 3 blogg um fréttina

Bloggað um fréttina

• Helga Dögg Sverrisdóttir: Sama og við gerum
• G. Tómas Gunnarsson: Hafa Íslendingar verið að sniðganga erlendar vörur?
• Ómar Ragnarsson: Áhrifasvæðum Covidkreppunnar fjölgar jafnt og þétt; og þau stækka.