Freyja, nýtt varðskip Landhelgisgæslu Íslands, er nú komin til hafnar í Rotterdam í Hollandi þar sem hún er máluð í einkennislitum Landshelgisgæslunnar. Þá fóru prófanir fram á skipinu í síðustu viku og gengu þær vel. Í kjölfarið fór skipið í slipp.

Afhending til Landhelgisgæslunnar er áætluð í næstu viku og gert er ráð fyrir að skipið sigli í heimahöfn á Siglufirði 6. nóvember.

Frétt af mbl.is

„Freyja er mjög öflugt varðskip“

Varðskipið nýja verður svipað að stærð og Þór og styrkir þar með flotann sem sinnir löggæslu í landhelgi Íslands og leit og björgunarstörfum við krefjandi aðstæður á hafsvæðum umhverfis Ísland og jafnvel víðar.

Freyja býr þó yfir nokkuð meiri dráttar- og björgunargetu heldur en Þór. Freyja er 86 metrar að lengd og 20 metrar að breidd.

Freyja mun leysa varðskipið Tý af hólmi sem komið er til ára sinna.

Skipið var smíðað í Suður-Kóreu árið 2010 og hét fyrst Vittoria, svo GH Endurance. Áfram verður Þór með heimahöfn í Reykjavík.

Freyja er hin glæsilegasta í litum Landhelgisgæslunnar. Ljósmynd/Guðmundur St. Valdimarsson/Landhelgisgæslan

Tengdar fréttir

Landhelgisgæslan

Annasamt hjá áhöfnum Landhelgisgæslunnar

• Eina tilboðið í slipptöku Freyju ógilt
• Bráðvantar bryta á Freyju
• Áhöfn Freyju boðið í skötu í Guðmundarbúð
• Varðskipið nötraði

» Fleiri tengdar fréttir