Ekki frekari heimildir til strandveiða
Setja bókamerki
/frimg/1/49/23/1492308.jpg)
Matvælaráðuneytið hefur hafnað beiðni Landssambands smábátaeigenda um að 4.000 tonna þorskkvóta verði bætt við strandveiðipottinn.
Landssamband smábátaeigenda sendi Svandísi Svavarsdóttur matvælaráðherra erindið 25. júní. Barst þeim svar frá Matvælaráðuneytinu í dag.
Strandveiðar líklega stöðvaðar í næstu viku
Í erindi LS segir að líkur séu á því að útgefinni aflaviðmiðun, sem nemur 10.000 tonnnum, verði náð í strandveiðivikunni 10.-13. júlí. Verði ekki bætt við veiðiheimildum fyrir þann tíma muni Fiskistofa stöðva strandveiðar.
Fór LS því þess á leit við matvælaráðherra að hún kæmi í veg fyrir stöðvun strandveiða á núverandi fiskveiðiári með því að hækka aflaviðmið um 4.000 tonn og „tryggja með því jafnræði milli landshluta“, líkt og segir í erindi.
Sögðu smábátaeigendur í erindi sínu að ástand þorskstofnsins væri afar gott og færðu þeir röksemdir fyrir því að hækkun viðmiðunarafla til strandveiða rúmaðist innan vísindalegrar ráðgjafar.
Veiðiheimildum þegar ráðstafað
Í svari ráðuneytis segir að öllum veiðiheimildum fyrir fiskveiðiárið hafi þegar verið ráðstafað, einnig með tilliti til strandveiða.
Ráðuneytið hafi ekki lagaheimild til þess að fallast á erindi sambandsins samkvæmt þeim málaflutningi sem þar komi fram.
Ráðist á ferðamenn: „Það var blóð alls staðar“
Vantar fólk: „Þetta er gaman en það er ekki nóg“
Veita fyrirtækjum brú yfir óvissutímabil
Gegnum lykilhlutverki fyrir NATO
Fannari líst ágætlega á aðgerðirnar
Þyrla forsetans lenti í „slysi“
Kostnaðurinn nemur allt að þremur milljörðum
Haustbragur í maí: Snjókoma fyrir norðan