„Vægi 75 ára úreltra hvalveiðilaga“ metið þyngra
Setja bókamerki
Dýraverndarsamband Íslands (DÍS) hefur lýst yfir vonbrigðum sínum með álit umboðsmanns Alþingis um að skort hafi lagaheimild til að fresta veiðitímabili á langreyðum síðasta sumar.
Í yfirlýsingu sambandsins kemur fram að í álitinu séu lög um velferð dýra frá árinu 2013 víkjandi en tekið fram að ekki hafi verið nægilega skýr stoð í lögum um hvalveiðar frá 1949 fyrir ákvörðun matvælaráðherra um að fresta veiðum.
Þannig sé í áliti umboðsmanns „vægi 75 ára úreltra hvalveiðilaga metið mun þyngra en 11 ára laga um dýravelferð”.
„DÍS telur það vera mikið áhyggjuefni að dýravelferð er sett til hliðar og hvetur ríkisstjórn og Alþingi til þess að ganga án tafar í að endurskoða löggjöf þannig að dýr njóti vafans, en að atvinnuréttur sé ekki látinn ganga framar því að uppfylla lög um dýravelferð. Í tilviki Hvals hf var búið að sýna fram á veiðarnar væru ekki í samræmi við lög um velferð dýra og því bar ráðherra að bregðast við,” segir í yfirlýsingunni.
Þar kemur jafnframt fram að álit umboðsmanns leiði í ljós nauðsyn á endurskoðun og breytingu laga umfram allt annað.
Tveggja mánaða flandur um Nýja-Sjáland
Strand skemmtiferðaskips kallar á erlenda aðstoð
Frambjóðendur skila inn listum í Hörpu
Hvorki sést áður hér á landi né annars staðar
Laugavegur hjólaferðamannsins að fæðast
Bergnuminn í Hvalfirði
Kaldasti veturinn kom að óvörum
Skaut sex sinnum að feðginum á aðfangadagskvöld