Harry Bretaprins og eiginkona hans, Meghan hertogaynja, skruppu til Flórída í síðustu viku. Hjónin gistu að sjálfsögðu á einu glæsilegasta hótelinu á svæðinu, Four Seasons-hótelinu á Palm Beach. 

Það sást til hjónanna á laugardaginn í sundlaugargarðinum að því fram kemur á vef Hello. Var Meghan klædd í ljósar buxur og svartan topp en Harry var í svörtum stuttermabol, síðbuxum og strigaskóm. 

Hjónin fóru ekki bara til Flórída til að slappa af á lúxushótelinu þar sem Harry tók þátt í góðgerðarpólóleik á föstudaginn. 

Hótelið Four Seasons Palm Beach er fimm stjörnu lúxushótel og eru svíturnar bara á færi þeirra allra ríkustu. Á hótelinu eru einstaklega fallegar sundlaugar og stór strönd sem aðeins gestir hótelsins hafa aðgang að.