Listamaðurinn Victor-Hugo sækist eftir útnefningu til forseta Bandaríkjanna

Umdeildur listamaður í New York, Victor-Hugo Vaca II, tilkynnti í gær að hann sæktist eftir því að verða forsetaefni demókrata í kosningunum sem haldnar verða á næsta ári. Vaca II myndi þá keppa við demókratana Hillary Clinton og Barack Obama, sem bæði sækjast eftir embættinu.

Í yfirlýsingu Vaca II segir að hann sækist eftir forsetaembættinu í kjölfar listaverkaraðar sinnar sem ber nafnið „Lög og regla í Bandaríkjunum“. Vaca II vill með þessu sýna aðdáendum sínum hversu erfitt eða auðvelt það er fyrir innfæddan Bandaríkjamann að bjóða sig fram í mestu valdastöðu í heimi. Að auki vill hann hvetja þá kynslóð, sem hann segir stjórnmálamenn hafa logið að, til að taka þátt í stjórnmálum.

Vaca II segir greinilegt að forseti Bandaríkjanna þurfi hvorki að vera greindur né með heilbrigða skynsemi, George W. Bush Bandaríkjaforseti hafi sannað það. Það þurfi gríðarlega há fjárframlög frá hinum og þessum stuðningsmönnum. Artinfo listavefurinn segir frá þessu.

Vefsíða listamannsins

• 1 blogg um fréttina

Bloggað um fréttina

• Brosveitan - Pétur Reynisson: Stefnuskráin hans í anda skvettisma?