Þrír segjast vera feður dóttur Önnu Nicole
Setja bókamerki
Þriðji karlmaðurinn hefur nú bæst í hóp þeirra sem segjast vera feður fimm mánaða gamallar dóttur fyrirsætunnar Önnu Nicole Smith, sem lést sl. fimmtudagskvöld. Í gær hélt Frederick von Anhalt, prins, eiginmaður ungversku leikkonunnar Zsa Zsa Gabor, blaðamannafund og sagðist hafa átt í ástarsambandi við Smith undanfarin 10 ár og ætti hugsanlega barnið.
Hinir mennirnir tveir eru Howard K. Stern, lögmaður og fylgisveinn Smith, og Larry Birkhead, fyrrum kærasti.
Þessar óvenjulegu faðerniskröfur kynnu að skýrast af því, að litla stúlkan gæti erft milljónir dala eftir móður sína falli dómar í deilum við dánarbú fyrrum eiginmanns Smiths henni í vil. Smith giftist milljarðamæringnum J. Howard Marshall II árið 1994. Hún var þá 26 ára og hann 89 ára. Marshall lést rúmu ári síðar og hófs þá mikil barátta Smith og ættingja Marshalls um arfinn. Sú deila er enn óleyst.
Smith sagði sjálf, að Stern væri faðir dóttur sinnar en Birkhead krafðist þess að gerð yrði erfðafræðileg rannsókn til að úrskurða um faðernið. Nú hefur Frederick von Anhalt, sem er á óræðum sjötugsaldri og titlar sig prins, bæst í hóp hugsanlegra feðra.
Dómari úrskurðaði í gær, að lík Smith yrði ekki grafið fyrr en dómstólar væru búnir að komast að niðurstöðu í faðernismálinu.
Gæti færst meiri kraftur í eldgosið
Innviðagjald skili 30 milljörðum
„Mjög ánægður með útkomuna“
Óásættanlegt hversu langan tíma viðræður hafa tekið
Fjöldi brota ríflega sexfaldaðist
11 verða í framboði til embættis forseta Íslands
Verið að búa til „óánægju og kergju“
Ók á ofsahraða á móti umferð og uppi á stétt