Harðar deilur um hvílustað Önnu Nicole Smith
Setja bókamerki
Kærasti Önnu Nicole Smith heitinnar, Howard K. Stern, mætti í dómssal í dag með það fyrir augum að ná fram því sem hann sagði að hefði verið ósk hennar um hinsta hvílustað. Það eru tólf dagar síðan hún lést í Flórída og nú er bæði barist í réttarsölum í Flórída og Kaliforníu um hvað eigi að gera við jarðneskar leifar hennar sem og um faðerni dóttur hennar.
Enn er verið að rannsaka hver dánarorsökin var og þar sem ekki liggur fyrir skrifleg ósk Önnu Nicole um hinsta hvílustað þá mun Seidlin dómari hlíða á vitnisburð þeirra sem telja sig vita hverjar óskir hennar í þeim málum voru.
Stern vill láta grafa hana á Bahamaeyjum í grafreit við hlið sonar hennar, Daniels, sem lést í September. Móðir Smith, Virgie Arthur, vill hins vegar láta jarðsetja hana heima í Texas þar sem hún ólst upp.
Faðernismálið hefur einnig tafið fyrir áætlunum um jarðarför því Larry Birkhead, fyrrum ástmaður Smith hefur farið fram á að annað sýni verði tekið úr líkama Smith sem hann vonast til að sanni að hann sé faðir hinnar ungu dóttur Smiths, Dannielynn.
„Það er enginn að setja þennan hóp í forgang“
Námundun og frávik í könnunum
Þrælar byggðu ekki pýramídana
„Viljum helst ekki vera étnar af ísbjörnum“
Fugl fór í hreyfil vélar Icelandair á Alicante
Vinnur í kirkjugarði og stefnir á verkfræði
„Þetta þarf ekki að vera leiðinlegt“
