Longoria erfið

Brúðkaupsundirbúningur „Desperate Housewives"-leikkonunnar Evu Longoriu hefur snúist upp í martröð fyrir þá sem að koma.

Leikkonunni, sem ætlar að giftast körfuboltastjörnunni Tony Parker 7. júlí næstkomandi er sífellt að snúast hugur um smáatriði sem snúa að stóra deginum og trufla þar með skipuleggjendur brúðkaupsins.

„Brúðkaupið á að fara fram á þessum degi en Eva hefur skapað mikla aukavinnu fyrir alla sem að koma," sagði heimildarmaður slúðurpressunnar.

„Hún hefur skipt um blómategund þrisvar sinnum og kjólnum hennar hefur verið breytt nokkrum sinnum og síðan er það gestalistinn sem er líka alltaf að breytast. Ég held að allir verði mjög glaðir þegar brúðkaupið verður afstaðið," bætti hann við.

Fyrr í mánuðinum flaug hin 32 ára stjarna til Parísar til að velja kirkju fyrir athöfnina sem fer fram í höfuðborg ástarinnar.