50 Cent í mál

Rapparinn 50 Cent hefur farið í mál við netauglýsingafyrirtæki vegna auglýsingar sem birt hefur verið á netinu. Í auglýsingunni sést hvernig rapparinn er skotinn. 50 Cent hefur farið fram á að honum verði greidd ein milljón dala í skaðabætur (um 60 milljónir kr.).

Málið var höfðað í New York og heldur 50 Cent, sem heitir réttu nafni Curtis Jackson, því fram að þeir sem sjái auglýsinguna séu hvattir til þess að skjóta hann. Nái þeir að hitta myndast rauður blóðhringur í yfir stjörnunni.

Lögmaður rapparans segir að þrátt fyrir að nafn 50 Cents sé ekki notað þá sé það ljóst að persónan sem sést í auglýsingunni eigi að vera hann.

Rapparinn og Íslandsvinurinn er ekki með öllu ókunnur skotárásum en fyrir sjö árum varð hann fyrir þeirri hræðilegu lífsreynslu að vera skotinn níu sinnum, er hann átti í útistöðum við annan rappara.

• 1 blogg um fréttina

Bloggað um fréttina

• Magnús Geir Guðmundsson: Æ, þessir leiðinda Ribbaldarapparar!