Ný klámmynd sem byggð er á fregnum af ólifnaðinum á Lindsay Lohan undanfarið er væntanleg á markað í október. Lohan fór í meðferð í byrjun vikunnar, en fyrir skömmu var hún handtekin fyrir ölvunarakstur og fíkniefnavörslu. Klámmyndin á að heita „Lindsay HoHand: Get Out of My F...ing Way.“
Gróusagnaveitan TMZ.com segir að fyrirtækið SexZ Pictures framleiði myndina, en í aðalhlutverki verður Paulina James. Myndin fjallar um „dægurstjörnu sem er sífellt að lenda í vandræðum.“ Einnig verður í myndinni fjallað um þá áráttu Lindsay að vera nærbuxnalaus á almannafæri.
SexZ Pictures hefur framleitt fjölda mynda með nöfnum sem líkjast mjög nöfnum frægra bandarískra dægurdrottninga, eins og til dæmis „Britney Rears“ og „J Ho.“