Kynþokkinn streymir frá Pitt og Jolie

Leikarinn Brad Pitt dáðist að kynþokka sambýliskonunnar Angelinu Jolie á meðgöngunni en þau eignuðust dótturina Shiloh í Namibíu í maí í fyrra. Í viðtali við tímaritið Marie Claire segir Jolie að hún hafi notið meðgöngunnar og ekki hafi spillt fyrir hve Pitt hafi fundist hún kynþokkafull á meðgöngunni.

Kemur fram í viðtalinu að vikurnar áður en Shiloh fæddist hafi þau notið þess að borða við kertaljós úti í náttúrunni og horft á hafið.

Jolie staðfestir í viðtalinu hve kynþokkafullur Pitt er þegar hann er í föðurhlutverkinu en þau eiga þrjú ættleidd börn auk Shiloh. Maddox sem er 6 ára, Zahara sem er tveggja og Pax sem er þriggja ára. Að sögn Jolie hefur Pitt gengið Maddox í föðurstað en hún ættleiddi hann áður en hún og Pitt rugluðu saman reitum. Hún er yfir sig ánægð með fjölskylduna og hvernig Pitt bregst við föðurhlutverkinu. „Þegar ég horfi á hann (Maddox) og Brad eiga sínar stundir sem feðgar þá er það æsandi. Ég meina það er ekkert sem er eins kynþokkafullt og karlmaður sem er stórkostlegur faðir," samkvæmt Jolie.

• 1 blogg um fréttina

Bloggað um fréttina

• Gísli Foster Hjartarson: Maður er nú ekki.....