Mark Wallinger hlaut Turnerverðlaunin

Mark Wallingar hlaut í dag Turnerverðlaunin fyrir verkið State Britain. Um er að ræða innsetningu sem samanstendur af ríflega 600 flöggum, fánum, myndum og boðum, sem friðarbaráttumaðurinn Brian Haws hafði á fimm árum komið fyrir andspænis Westminster-höllinni.

Leikarinn og leikstjórinn Dennis Hopper afhenti verðlaunin, sem eru 25.000 pund, við hátíðlega athöfn sem fram fór í Tate listasafninu í Liverpool.

 „Ég stend í þakkarskuld við alla þá sem áttu þátt í því að búa til State Britain,“ sagði Wallingar.

Á sýningunni sýndi Wallinger kvikmynd þar sem hann sést ganga um Þjóðarlistasafnið í Berlín í bjarnabúningi.

Þetta var í fyrsta sinn í 23 ára sögu verðlaunanna að þau eru afhent annarsstaðar en í Lundúnum.

Um 45.000 manns hafa séð sýningar þeirra sem tilnefndir hafa verið til Turnarverðlaunanna, en þær hafa verið í gangi frá því í október.

• 1 blogg um fréttina

Bloggað um fréttina

• Myndlistarfélagið: Til hamingju Mark Wallinger