Radiohead vill grænni áheyrendur

Hljómsveitin Radiohead lætur sér annt um umhverfið, Colin Greenwood, bassaleikari sveitarinnar hefur skrifað á bloggsíðu Radiohead að hljómsveitin muni framvegis einkum halda tónleika í miðborgum, til að stuðla að því að aðdáendur sveitarinnar noti almenningssamgöngur. Þetta kemur fram á vefsíðu tónlistartímaritsins NME.

 Hljómsveitin lét taka út mengunarmál sveitarinnar og varð niðurstaðan sú að með þvi að færa hljómleika frá smærri tónleikastöðum var hægt að minnka útblásturinn. Þá eru aðdáendur beðnir um að fljúga ekki til að komast á tónleika og fjölmenna í bíla ef þannig er farið á staðinn.

Radiohead gaf síðustu plötu sína, In Rainbows, út á netinu, en þannig má segja að sveitin hafi þegar stigið skref í átt að umhverfisvænni markaðssetningi því þannig sparast bæði plastið sem notað er í geisladiska og spor kaupendanna.

• 1 blogg um fréttina

Bloggað um fréttina

• Snorri Bergz: Útvarpshausinn þá vinstri grænn?