París Hilton á Sundance-hátíðinni 20. janúar. AP

París Hilton sást koma út af næturklúbbi í Los Angeles í fyrrakvöld í fylgd konu sem ekki hefur verið nafngreind. Staðurinn heitir The Falcon Club og er vinsæll meðal lesbía. París, sem var með brúna hárkollu, og konan dularfulla leiddust hönd í hönd.

Hefur þetta kveikt þann orðróm að París hafi gefist upp á karlmönnum.

Haft var eftir gesti á klúbbnum að París hafi skemmt sér konunglega ásamt ónafngreindu konunni. „Þær dönsuðu saman og héldu þétt um hvor aðra þegar þær fóru. París hvíslaði að konunni og hún hló þegar þær gengu út og héldust í hendur.“

Þetta er ekki í fyrsta sinn sem París sést vera innileg við aðra konu, og hún hefur áður farið á The Falcon Club. Nú er því ennfremur haldið fram að Britney Spears hafi hótað að afhjúpa samkynhneigð Parísar með því að birta myndir af Parísi í „vafasömum stellingum“ með vinkonu Britneyjar.