Verðlaun fyrir fatahönnun

Á tískuvikunni í Kaupmannahöfn sem nú stendur yfir í Øksnehallen er haldin sérstök sýning, Designer's Nest til að kynna unga fatahönnuði og nemendur í tískuhönnun. Í tengslum við sýninguna er einnig haldin keppni meðal þátttakenda og lenti Laufey Jónsdóttir nýútskrifaður fatahönnuður í öðru sæti.

Laufey keppti við um 25 aðra unga hönnuði en það var finnskur hönnuður sem hlaut aðalverðlaunin að þessu sinni.

Laufey sagði í samtali við Fréttavef Morgunblaðsins að hún hefði hannað fatalínu sem væri innblásin af sjötta áratugnum með áherslu á látlausan íþróttafatnað.

Laufey sem er 23 ára sagðist ekki vilja útiloka neitt en hún hefði ákaflega gaman af því að hann föt sem nýtast fólki við leik og störf í hversdeginum, alveg jafn gaman og að hanna hátískufatnað.

„Annars var bara gaman að fá að hitta Mary krónprinsessu," sagði Laufey að lokum en það var krónprinsessan sem afhenti verðlaunin. 

• 2 blogg um fréttina

Bloggað um fréttina

• Jenný Anna Baldursdóttir: Og þarna er Maysan mín líka
• hofy sig: Frábær árangur.