Áhorf á Óskarsverðlaun í lágmarki

Óskarsverðlaunin í ár fengu minnsta áhorf í Bandaríkjunum frá því mælingar hófust árið 1974, en 32 milljónir manna stilltu á ABC sjónvarpstöðina til þess að horfa á útsendinguna.

Fram kemur á fréttavef BBC að í fyrra horfðu 41 milljón manns á verðlaunahátíðina en útsendingin sem hefur fengið mest áhorf eða 55 milljónir manns, var árið 1998 þegar kvikmyndin Titanic vann 11 óskarsverðlaun.  Til samanburðar horfa 30 milljónir manna á sjónvarpsþáttinn American Idol í hverri viku. 

Lágmarksáhorf var á verðlaunahátiðina í ár þrátt fyrir að myndirnar sem kepptu um óskarinn hafi fengið mjög góða dóma en aðsóknartölur á flestar myndirnar í kvikmyndahúsum voru í meðallagi.

ABC sjónvarpsstöðin segir í tilkynningu að í þessum tölum sé ekki gert ráð fyrir því að mörg heimili horfi á hátíðina á upptökutækjum.

• 3 blogg um fréttina

Bloggað um fréttina

• Steinþór Ásgeirsson: Horf og horf
• Markús frá Djúpalæk: Kemur kannski ekki á óvart
• Stefán Friðrik Stefánsson: Sögulega lágt áhorf á áttræðisafmæli Óskarsins