Rei Kawakubo hannar fyrir H&M

Sænska fatakeðjan H&M hefur fengið Japanann Rei Kawakubo, stofnanda Comme des Garcons tískuhússins, til þess að hanna fatalínu fyrir keðjuna. Mun fatalínan koma í verslanir H&M í haust.

Listrænn stjórnandi H&M, Margareta van den Bosch, segir að keðjan hafi lengi óskað þess að fá Rei Kawakubo til þess að hanna fatalínu fyrir keðjuna og það hafi loks tekist.

Fatalína Rei Kawakubo verður kynnt þegar H&M opnar aðra verslun sína í Tókýó í byrjun nóvember en hún verður síðan sett í sölu í rúmlega 1.500 öðrum verslunum H&M í heiminum nokkrum dögum síðar.

Frá árinu 2004 hefur H&M fengið fræga fatahönnuði til þess að hanna sérstaka línu fyrir keðjuna. Meðal þeirra eru Karl Lagerfeld, Stella McCartney og Roberto Cavalli.

• 1 blogg um fréttina

Bloggað um fréttina

• hofy sig: Ég elska H&M.