Spilar Matador

Paris Hilton er orðin leið á eilífu partýstandi og vill miklu frekar vera heima hjá sér um helgar og spila Monopoly, sem er bandaríska útgáfan af Matador.

„Þegar ég var yngri fannst mér ekkert skemmtilegra en að fara út á lífið, en nú þegar ég er komin í alvöru samband er svo miklu betra að vera bara heima,“ segir Hilton sem er með rokkaranum Benji Madden úr hljómsveitinni Good Charlotte.

„Okkur finnst eiginlega ekkert gaman að fara út lengur. Við höldum frekar spilakvöld þar sem vinir okkar koma til okkar og spila Monopoly.“

Þá segist hótelerfinginn meira að segja vera farin að elda. „Mér finnst æðislegt að elda fyrir Benji. Ég elda til dæmis frábært lasagne. Ég hef þroskast mikið og ég er orðin miklu rólegri en ég var. Benji hefur breytt lífi mínu á marga vegu.“