Ekki vinkonur lengur

Leikkonurnar Kiera Knightley og Sienna Miller urðu góðar vinkonur við tökur á kvikmyndinni The Edge Of Love sem frumsýnd var í London í síðustu viku. Nú hefur hinsvegar slest upp á vinskapinn samkvæmt heimildum Daily Mail.

Miller mun vera mjög sár yfir því að Knightley var valin fram yfir hana til þess að leika Elizu Doolittle í endurgerð á klassísku kvikmyndinni My Fair Lady. Audrey Hepburn fór með hlutverkið þá og Miller mun hafa verið mjög áhugasöm um að fylgja í hennar fótspor og jafnvel farið í söngtíma til þess að undirbúa sig. Hún sagði vinkonu sinni frá áformum sínum en Knightley fór þrátt fyrir það í prufu og hefur nú verið ráðin.