McKellen hótað lífláti

Breski leikarinn Ian McKellen segir að honum hafi verið hótað lífláti sökum kynhneigðar sinnar. McKellen, sem kom út úr skápnum árið 1988, segir í viðtali við BBC að hótununum hafi hins vegar fækkað mikið á undanförnum árum.

„Ég held að meirihluti almennings þyki ég vera frekar óspennandi hvað þetta tiltekna atriði snertir,“ segir leikarinn.

McKellen hefur lýst yfir stuðningi við bandaríska biskupinn, Gene Robinson, sem er samkynhneigður. Robinson hefur verið útilokaður frá störfum evangelísku kirkjunnar.

Robinson hefur ekki verið boðið á Lambeth-ráðstefnuna, sem er haldin á 10 ára fresti, ráðstefnan hefst á miðvikudag í Canterbury. Hann segir hins vegar að hann muni verða staddur þar á sama tíma og ráðstefnan fer fram.

McKellen segir í samtali við BBC að honum hafi, líkt og Robinson, borist líflátshótanir. Leikarinn heldur því fram að enn þann dag í dag sýni Bretar samkynhneigðum lítið umburðarlyndi.

• 1 blogg um fréttina

Bloggað um fréttina

• Skáholt: Skrítið, samt land hinna öfugu!