Varað við vígðu vatni í handfarangri

Vatíkanið hefur varað þá blaðamenn sem munu ferðast með Benedikt páfa til Lourdres í næsta mánuði við því að setja hið eftirsótta vatn helgidómsins í handfarangur þar sem það yrði hugsanlega tekið af þeim við öryggishlið á flugvöllum.

Páfinn fer þann 12. september til Parísar og síðar áfram til Suður-Frakklands þar sem sagt er að María mey hafi birst ungri sveitastúlku, Bernadette Soubirous fyrir 150 árum.

Milljónir gesta sem sækja helgidóminn á ári hverju bergja á vatni úr brunni sem sagður er hafa lækningarmátt. Flestir taka einnig með sér vatn á brúsa er þeir halda til síns heima.

Talsmaður Vatíkansins varaði í dag blaðamenn Reuters við því að setja vatnsflöskurnar í handfarangur til að koma í veg fyrir að þær verði teknar af þeim í öryggishliðum flugvalla.

Þó að ekki sé litið á vatnið sem vígt vatn þar sem það hafi ekki verið blessað af vígðum kirkjunnar mönnum en margir telja það vera jafn magnað ef ekki betra en vígt vatn úr skírnarfontum.

• 3 blogg um fréttina

Bloggað um fréttina

• Sigurbjörn Friðriksson: Harðfiskur gerður upptækur!!
• Brjánn Guðjónsson: Hvernig flytja skal vígt vatn með flugi
• Emil Örn Kristjánsson: Gúrkutíð?