Alex Luke yfirmaður hjá iTunes hafði samband við umboðsskrifstofu Lay Low og vildi koma nýju plötunni hennar Farewell Good Night's Sleep í sölu þar strax, samkvæmt upplýsingum frá umboðsmanni Lay Low.
Kemur platan út rafrænt hjá iTunes í Bandaríkjunum þriðjudaginn 21. október n.k. og verður Lay Low í sérstöku kastljósi á síðunni í þeirri viku. Ásamt þessu mun iTunes kynna útgáfuna í Bandaríkjunum og einnig í Bretlandi, öðrum Evrópulöndum og Asíu þarsem platan kemur út rafrænt hjá iTunes mánudaginn 20. október.