Þau Hera Björk og Friðrik Ómar munu syngja bakraddir þegar Jóhanna Guðrún Jónsdóttir stígur á svið í Moskvu í maí og syngur lag sitt, Is It True, í Eurovision söngvakeppninni. Þetta kemur fram á vefnum Esctoday, sem sérhæfir sig í fréttum af Eurovision.
Friðrik Ómar söng íslenska lagið í keppninni í Belgrad í fyrra ásamt Regínu Ósk og Hera Björk var meðal bakraddasöngvara. Raunar munaði litlu, að hún keppti í Moskvu í ár fyrir hönd Dana.
Ísland tekur þátt í undankeppni Eurovision í Moskvu 12. maí.