Ferrell Frank, Clooney Casper

„Ég myndi gjarnan vilja sjá Will Ferrell leika Frank, hann er uppáhaldsgamanleikarinn minn. Hann er hlægilega vaxinn eins og Frank og hefur nef fyrir fyndni,“ segir grínistinn Casper Christensen, spurður að því hver myndi leika þá félaga ef Klovn: The Movie yrði endurgerð í Hollywood.

Casper telur þá best að George Clooney myndi leika persónu hans í myndinni, hinn siðlausa flagara Casper. Clooney sé góður gamanleikari og ætti að vera sannfærandi sem flagari.

Frank Hvam og Casper Christensen eru handritshöfundar og aðalleikarar grínmyndarinnar Klovn: The Movie sem byggð er á hinum vinsælu, dönsku gamanþáttum Klovn og sýnd er í Sambíóunum um þessar mundir. Þeir félagar eru staddir hér á landi og á morgun verður birt viðtal í Morgunblaðinu við Casper þar sem hann ræðir m.a. um myndina og þættina, samstarf þeirra Franks og lista sem þeir gerðu yfir forboðin umfjöllunarefni sem þeir ákváðu að taka fyrir í þáttunum.

• 1 blogg um fréttina

Bloggað um fréttina

• Sigþór Björgvinsson: Scene for next Klovn movie