Lohan hótað fangelsisvist

Dómari í Los Angeles sagði leikkonunni Lindsay Lohan, að geri hún samkomulag við saksóknara í máli, sem höfðað var á hendur henni vegna þjófnaðar á hálsfesti í verslun, verði hún dæmd til fangelsisvistar. 

Lohan er ákærð fyrir að stela hálsfesti, sem metin er á 2500 dali, rúmar 290 þúsundir króna. Viðræður hafa verið milli lögmanna Lohan og saksóknara um samkomulag í málinu. Ekki er ljóst hvað í slíku samkomulagi myndi felast.

Lohan kom fyrir rétt í Los Angeles í dag. Sagði Keith Schwartz, dómari, að ef Lohan fallist ekki á samkomulag muni málið fara fyrir dóm þar sem saksóknarar leggja fram sönnunargögn gegn leikkonunni.

En fallist Lohan á samkomulagið verði hún dæmd til fangelsisvistar.

Lohan, sem er 24 ára, sagðist skilja hvað dómarinn segði. Hún á að koma aftur í réttarsalinn 10. mars.

Lindsay Lohan ásamt lögmanni sínum. Reuters

• 1 blogg um fréttina

Bloggað um fréttina

• Magni Kristjánsson: Hva??????