Músíktilraunum lauk í kvöld í Íslensku Óperunni með sigri rafpopptríósins Samaris. Vestmannaeyjasveitin Súr varð í öðru sæti og Sunnlendingarnir í The Wicked Strangers í þriðja sæti. Primavera var valin hljómsveit fólksins.
Gítarleikari tilraunanna var valinn Hafsteinn Þráinsson úr Postartica, bassaleikari Alexander Örn Númason úr sömu sveit, trommuleikari Jósep Helgason úr The Wicked Strangers, hljómborðsleikari/forritari Þórður Kári Steinþórsson úr Samaris og söngvari músíktilrauna 2011 var valinn Gunnar Guðni Harðarson úr The Wicked Strangers. Hljómsveitin Askur Yggdrasils fékk viðurkenningu fyrir íslenska texta.