Líkurnar 1 á móti 5.814

Líkurnar á því að nafn Íslands kæmi upp í síðasta umslaginu í undankeppni Evróvisjón þrjú ár í röð eru aðeins 1 á móti 5.814, eða 0,0172%. Gera útreikningarnir ráð fyrir að öll löndin sem tóku þátt í undankeppnunum hafi átt jafna möguleika á því að komast í tíu efstu sætin en þau voru 18 árið 2009, 17 árið 2010 og 19 árið 2011.

Sem kunnugt er komust vinir Sjonna í úrslitin í Dusseldorf á laugardaginn, með lagið Aftur heim, eftir æsispennandi undankeppni í gærkvöldi.

Þulur þýska sjónvarpsins las nafn Íslands uppúr tíunda og síðasta umslaginu og allt ætlaði vitlaust að verða, bæði hér á landi og í keppnishöllinni í Dusseldorf.

Íslendingar voru duglegir að greiða atkvæði í keppninni með símtækjum sínum. Fjölgaði atkvæðum um 12% miðað við undankeppnina í fyrra, þrátt fyrir að kostnaður við hvert atkvæði hækkaði um 19 krónur á milli ára.

Nánar er fjallað um símakosninguna og Evróvisjón í Morgunblaðinu á morgun.

• 3 blogg um fréttina

Bloggað um fréttina

• Ómar Ragnarsson: Aldrei að afskrifa líkur.
• Benjamín Sigurgeirsson: Þessar líkur standast ekki...
• Lísa Björk Ingólfsdóttir: Ríkisstjórnin kom Íslandi áfram í lokakeppni Eurovision