Nýir þættir um Dallas í framleiðslu

Nú er ástæða til að fagna. Bandaríska sjónvarpsstöðin TNT hefur ákveðið að hefja framleiðslu á nýrri þáttaröð um Dallas. Leikararnir Larry Hagman, Patrick Duffy og Linda Gray munu leika í þáttunum.

Sjónvarpsserían Dallas naut mikillar vinsælda á níunda áratugnum, en hún fjallaði um gleði og sorgir Ewing-fjölskyldunnar í Texas. Aðalpersónur í nýju seríunni eru af nýrri kynslóð þessarar olíuauðugu fjölskyldu. Fjölskyldan á í harðri baráttu við aðra fjölskyldu sem byggir auð sinn á nautgriparækt.

Larry Hagman, Patrick Duffy og Linda Gray léku aðalhlutverk í gömlu þáttunum og þau eru enn í fullu fjöri og taka þátt í nýju seríunni.

Framleiddir verða 10 þættir og verða þeir frumsýndir næsta sumar.

Nú er bara að bíða eftir að þessir fjölskylduvinir birtist í íslensku sjónvarpi.

• 1 blogg um fréttina

Bloggað um fréttina

• Haraldur Haraldsson: Nýir þættir um Dallas í framleiðslu/gott mál,en það þarf að …