Lofar tónleika Of Monsters and Men

Hljómsveitin Of Monsters and Men fær lofsamlega dóma í breska vefmiðlinum Manchester Confidential eftir tónleika hljómsveitarinnar í Manchesterborg.

Greinarhöfundur lýsir tónlist þeirra sem hressandi, ungæðislegri og hjartnæmri og hún minni nokkuð á kanadísku hljómsveitina Arcade Fire.   

Sérstaklega er fjallað um lagið Little Talks sem komst í efsta sæti á bandaríska listanum yfir lög sem falla undir jaðartónlist. Sagt er frá því hvernig allt ætlaði um koll að keyra á tónleikunum þegar þau spiluðu lagið. Áhorfendur sungu þó einnig með fleiri lögum. 

Greinarhöfundur tilgreinir einnig sérstaklega hvernig honum finnist söngvararnir Nanna og Raggi hafa fínlegar en magnaðar raddir sem þau beiti hárfínt á réttum stöðum í lögunum.

Að lokum segir greinarhöfundur að honum hafi þótt vænt um að sjá það hvernig hljómsveitarmeðlimir hafi smám saman áttað sig á því að æstir áhorfendur hafi verið á tónleikunum þeirra vegna. 

• 1 blogg um fréttina

Bloggað um fréttina

• Gísli Foster Hjartarson: Ekki það sama að segja......