Kónguló nefnd í höfuðið á Bono

Ný kóngulóartegund í Joshua Tree-þjóðgarðinum hefur verið nefnd í höfuðið á U2-söngvaranum Bono.

Líffræðingurinn Jason Bond fann á dögunum 33 nýjar köngulóartegundir í þjóðgarðinum í Kaliforníu. Nefndi hann eina þeirra Aptostichus bonoi eftir söngvaranum írska segir á vef Rolling Stone-tónlistartímaritsins.

Þykir nafngiftin vel við hæfi en bæði dregur ein fyrsta plata U2 heiti sitt af þjóðgarðinum  sem kunnugt er, auk þess sem Bono og félagi hans úr U2, The Edge, eiga heiðurinn af tónlistinni við nýlegan söngleik um Kóngulóarmanninn, sem sýndur er á Broadway. 

Bono er ekki fyrsti þekkti einstaklingurinn sem vísindamaðurinn sæmir slíkum heiðri. Áður hafa ýmis skordýr verið nefnd í höfuðið á m.a. söngvaranum Neil Young, leikkonunni Angelinu Jolie og Barack Obama forseta. Ekki fylgir sögunni hvort rokkarinn sé uppnuminn yfir heiðrinum.

• 1 blogg um fréttina

Bloggað um fréttina

• Gísli Foster Hjartarson: Að vera nafni einhvers!