Jólasveinn í fullum skrúða vakti athygli gesta í Sólskinsfiskabúrinu í Tókýó þegar hann birtist á meðal sjávardýranna á dögunum. Búrið er risavaxið og í því lifa 60.000 fiskar og önnur dýr, meðal annars höfrungar, otrar og mörgæsir. Flest glöddust þegar þau sáu sveinka enda með fullan poka af góðgæti fyrir dýrin.
Fiskabúrið er ekki síst sérstakt fyrir að vera hátt uppi en það er uppi á tíundu hæð í einu háhýsi borgarinnar.