Á Instagram-síðu Stuðverks, skemmtifélags verkfræðikvenna, hefur verið mikið fjör undanfarið. Meðlimir Stuðverks hafa skipst á að deila myndum úr lífi sínu og starfi undir merkinu #hvaðerhúnaðbralla.
Hjördís Hugrún er formaður Stuðverks er annar höfunda bókarinnar Tækifærin. Sú bók inniheldur viðtöl við 50 íslenskar konur sem sinna áhugaverðum störfum á sviði verkfræði, tækni og raunvísinda um allan heim.
„Instagram-síða Stuðverks er í raun í anda bókarinnar Tækifærin. Árið 2014 var hlutfall kvenna aðeins um 23% brautskráðra úr grunnnámi verkfræðideilda Háskóla Íslands. Þetta hlutfall hefur hæst verið um þriðjungur í sögu skólans, það var árið 2008. Það liggja auðvitað margar ástæður að baki þess að stelpur fara síður í nám á þessu sviði en við viljum gera það sem í okkar valdi stendur, draga fram fyrirmyndir og vekja athygli á þeim áhugaverðu verkefnum sem hægt er að sinna að loknu námi.“
Verkfræðikonur gripu í selfie-stöngina